لايف ستايل

ليه رمضان فى مصر مميز .. مغردون على تويتر: عشان لمة العيلة والبركة فى البيوت


أيام قليلة تفصلنا عن حلول شهر رمضان المبارك، الذى يعد بمثابة الفرحة لجميع المسلمين فى كل مكان بالعالم، لكن يعتبر البعض أن احتفالات الشهر الكريم فى مصر تكون مميزة وذات طابع خاص، مما دفع عدد من المغردين العرب لتدشين هاشتاج #ليه_رمضان_في_مصر_مميز، ليعبروا فيه عما يميز مصر بالاحتفال بشهر رمضان عن دول العالم.


وتنوعت تغريدات المدونين من خلال الهاشتاج، حيث قالت يسرا الجندى: “أغانى رمضان وزحمة شوارع مصر ومحلات القطايف والتمر الهندى وعربيات الفول قبل السحور، وصوت القرآن قبل آذان المغرب، كل دى حاجات تخلى رمضان فى مصر ليه ريحة وليه طعم وروح مميزة مش موجودة فى أى حته تانية.. رمضانكم كريم”، وقالت عبير: “رمضان فى مصر مميز عشان فى دفا، فى حب، فى عيلة، حتى خناقة ساعة الفطار دى بتبقى حلوة”.


وشارك خالد، فى الهاشتاج بقوله: “زينة وفانوس بتغطى الشوارع، لمة العيلة بتزين بيوتنا، صيام وصلاة التراويح والقرآن بتزين قلبنا، فرحة الكبير قبل الصغير، سحور على سفرة واحدة، خير وبركة فى كل بيت، غنى يعطف على الفقير ومائدة الرحمن وبتوع الكنافة والكرة فى الشوارع”، فيما قالت رضوى: “رمضان فى مصر يعنى اللمة، يعنى الصحبة، يعنى الزينة والمسحراتى، يعنى الصدقة والخير والرحمة”.

مسجد السيدة زينب


فيما قالت صفاء صلاح: “رمضان مميز بلمة العيلة والعزومات عند بعض والتجمع فى بيت الجدود، زمان كان رمضان حاجه تانية ليه فرحه وبعد الفطار القاعدة الحلوة مع الجيران والأحباب والأطفال بتلعب، والفرجة على الفوازير والمسلسلات كان ليه شمخه جميلة”، بينما قالت نورهان عصام: “عشان أول يوم لازم نتجمع مع بعض”.


وقالت سالى: “رمضان مميز فى رمضان بشوارعه اللى كلها متزينه لاستقبال رمضان، حتى البلكونات والبيوت زينه بناسها الطيبين المتسامحين بصوت الآذان والتراويح بالفوانيس، بالراجل اللى بيعمل الكنافة والقطايف وريحته المميزة وبتاع الفول اللى سهران، أجمل شهر هو رمضان”.

 
 
 
 
 
 
 

اترك تعليقاً

زر الذهاب إلى الأعلى